Moti i kthjellët dhe i ftohtë që ka vijuar gjatë ditëve të fundit në të gjithë vendin do t’ua lërë vendin shpejt shirave.

Sipas Meteoalb, edhe për pjesën e parë të ditës së enjte do të vijojë moti i kthjellët, ndërsa të premten vranësira të shpeshta do të shfaqen në gjithë vendin. Në mbrëmje vranësirat mbulojnë të gjithë vendin, ndërsa reshje priten në zonat veriore, por e shtuna sjell fuqizim të mëtejshëm të vranësirave duke gjeneruar shira thuajse në gjithë vendin, më të dendura në veri si dhe reshje dëbore pritet të bien në zonat malore.

Temperaturat do të pësojnë rritje të lehtë dhe graduale gjatë mëngjeseve vijuese, përfshirë edhe të shtunën, ndërsa rritje më e ndjeshme pritet gjatë orëve të mesditës. Një rënie e theksuar e temperaturave parashikohet mëngjesin e së dielës, rënie që vijon edhe gjatë orëve të mesditës.